Ministri në detyrë i Sportit dhe Rinisë, Blerim Gashani, ka pritur sot në një takim zyrtar Sekretarin e Federatës së Padelit të Kosovës, Jusuf Kika, me të cilin ka diskutuar për mundësitë e avancimit dhe zhvillimit të mëtutjeshëm të këtij sporti në vend.

Gjatë këtij takimi, fokus i veçantë iu kushtua planeve dhe aktiviteteve të federatës, sfidave aktuale, si dhe rritjes së infrastrukturës sportive me qëllim masivizimin e padelit te të rinjtë.

Ministri në detyrë, Gashani konfirmoi mbështetjen e ministrisë për këto iniciativa:

"Jemi të gatshëm të mbështesim çdo projekt që kontribuon në zhvillimin e sportit dhe në promovimin e një jete aktive për qytetarët tanë."

Në fund të takimit, të dyja palët u zotuan për vazhdimin e bashkëpunimit të ngushtë, duke synuar krijimin e kushteve sa më të mira për sportistët vendorë dhe për një përfaqësim sa më dinjitoz të Kosovës në arenën ndërkombëtare.

KosovaPress