Mesfushori i Manchester City, Rodri, është raportuar në polici nga disa fqinjë pasi pretendohet se ai ka fluturuar një dron shumë pranë dritareve të apartamenteve të tyre në një ndërtesë në Salford të Anglisë. 

Sipas banorëve, droni është parë disa herë duke qëndruar vetëm rreth një metër larg dritareve, gjë që ka ngritur shqetësime për privatësinë e tyre. Disa prej tyre thonë se pajisja mund të ketë filmuar brenda apartamenteve ndërsa ata ndodheshin në shtëpi. 

Një banor tregoi se e kishte parë dronin me një dritë të gjelbër duke qëndruar jashtë dritares ndërsa po shikonte televizor me partneren e tij, duke shtuar se gruaja e tij u ndje shumë e shqetësuar nga situata. 

Disa banorë kanë bërë ankesa te administrata e ndërtesës dhe në grupin e ËhatsApp, ndërsa të tjerë kanë kontaktuar policinë. Autoritetet e Greater Manchester Police kanë konfirmuar se kanë marrë një ankesë dhe po bëjnë verifikime për rastin. 

Rodri, fitues i Topit të Artë 2024 dhe pjesë e Manchester City që nga viti 2019, nuk ka bërë ende një koment publik për incidentin.

KosovaPress