Pas fitores dramatike 5-4 në ndeshjen e parë në Paris, kampionët në fuqi të PSG udhëtojnë drejt Mynihut me një avantazh minimal për t'u përballur me Bayern Munich në këtë ndeshje të dytë gjysmëfinale të UEFA Champions League.

Ndeshja e parë hyri në histori si gjysmëfinalja me më shumë gola (9) në këtë kompeticion, ku yje si Dembélé dhe Kvaratskhelia shkëlqyen për parisienët, ndërsa Harry Kane dhe Luis Díaz mbajtën gjallë shpresat e bavarezëve.

Bayern Munich, i cili ka fituar të gjitha gjashtë ndeshjet e këtij sezoni në Allianz Arena, kërkon të përmbysë rezultatin në shtëpi, ndonëse historia nuk është në anën e tyre pasi kanë dështuar të kualifikohen në pesë gjysmëfinalet e fundit ku kanë humbur ndeshjen e parë.

Fituesi i këtij takimi do të përballet me Arsenal në finalen e madhe.

Ndeshja fillon në orën 21:00.

Formacionet zyrtare:

Bayern Munich (4-2-3-1): Neuer — Laimer, Upamecano, Tah, Stanišić — Kimmich, Pavlović — Díaz, Musiala, Olise — Kane

Paris Saint-Germain (4-3-3): Safonov — Mendes, Pacho, Marquinhos, Zaïre-Emery — Ruiz, Vitinha, Neves — Kvaratskhelia, Dembélé, Doué

KosovaPress