Mbrojtësi i Anglisë, Jarell Quansah, është pezulluar për dy ndeshje nga FIFA pas kartonit të kuq të marrë në fitoren 3-2 ndaj Meksikës në Kupën e Botës.

Quansah u ndëshkua me karton të kuq pas rishikimit me VAR për një ndërhyrje të rrezikshme ndaj Jesús Gallardo.

Federata Angleze kishte shqyrtuar mundësinë e apelimit të vendimit, por FIFA konfirmoi pezullimin, duke u bazuar në rregulloren që parashikon të paktën dy ndeshje pezullim për ndërhyrje të rënda.

Si pasojë, 22-vjeçari do të mungojë në çerekfinalen ndaj Norvegjisë dhe në një gjysmëfinale të mundshme, nëse Anglia kualifikohet.

Pezullimi e rëndon edhe më shumë situatën e trajnerit Thomas Tuchel, i cili tashmë nuk ka në dispozicion Tino Livramenton dhe Reece James për shkak të lëndimeve.

KosovaPress