Fetahu shpall kandidaturën për t’u rizgjedhur në krye të FBK-së
Lexohet për: 2 min.
6 muaj më parë
Linku u kopjua
Kryetari aktual i Federatës së Basketbollit të Kosovës (FBK), Arben Fetahu do të kandidojë për t’u rizgjedhur në krye të kësaj federate edhe për një mandat katërvjeçar.
Këtë Fetahu e ka zbuluar në një intervistë për KosovaPress, ku njëherësh ka thënë se kjo do të jetë hera e tij e fundit që kandidon për këtë post.
“Unë do të kandidoj. Do të jetë kjo hera e fundit që unë do të kandidoj për këtë pozitë sigurt. Unë e kam edhe limitimin statutor që t’i kem maksimumi dy mandate dhe e kam thënë e publikisht se një mandat është pak e tri mandate janë shumë”, tha Fetahu.
Sa i përket garës për të parin e FBK-së, Fetahu ka thënë se nuk është në dijeni nëse do të ketë kundërkandidat në Kuvendin Zgjedhor më 30 gusht.
Gjatë këtij mandati, ai thotë se janë arritur shumë rezultate të mira në punën e federatë, por ka përmendur dy prej tyre si më kryesoret.
Ndërsa për mandatin e ri, i pari i FBK-së tha se ka tri qëllime kryesore.
Ndryshe, Arben Fetahu mori drejtimin e Federatës së Basketbollit në vitin 2018 duke pasuar Erold Belegun.
