KV Ferizaj është shpallur kampione e Kosovës në volejboll për vajza në kategorinë U20, pasi të mërkurën mbrëma e mposhti Prishtina Elite me rezultat 3:1 në finale.

Skuadra ferizajase dominoi në dy setet e para, duke i fituar ato me rezultat 25:14 dhe 25:20. Prishtina Elite reagoi në setin e tretë, ku pas një gare të fortë arriti të triumfojë 27:25 dhe ta mbajë të hapur ndeshjen.

Megjithatë, në setin e katërt, Ferizaj riktheu kontrollin e lojës dhe e mbylli takimin me fitore 25:15, për rezultatin përfundimtar 3:1 në sete (25:14, 25:20, 25:27, 25:15).

Pas përfundimit të finales, të dyja ekipet u nderuan me medalje për suksesin e arritur gjatë kampionatit, ndërsa kupën e kampionit për KV Ferizaj e dorëzoi nënkryetarja e Federatës së Volejbollit të Kosovës, Emine Ramadani Reka.

Federata e Volejbollit e Kosovës përgëzoi klubin nga Ferizaj për titullin e fituar, duke vlerësuar punën dhe përkushtimin e lojtareve, stafit teknik dhe klubit gjatë gjithë kampionatit.

KosovaPress