Sonte në palestrën “Astrit Bytyqi” në Ferizaj do të zhvillohet finalja e madhe e Play-Off-it U20 në volejboll në konkurrencën e femrave, ku do të përballen Ferizaj dhe Prishtina Elite për titullin e kampiones së Kosovës.

Dy skuadrat siguruan kualifikimin në finale pas paraqitjeve të suksesshme në fazën finale të kampionatit, ku morën pjesë nëntë ekipet më të mira. Prishtina Elite kaloi fillimisht Fer Volley-n me rezultat 2:0 dhe më pas mposhti Kastriotin në gjysmëfinale po me rezultat 2:0.

Finalja ndërmjet Ferizajt dhe Prishtina Elite do të nisë në orën 20:00 në palestrën “Astrit Bytyqi”, ku do të përcaktohet kampionia e kategorisë U20 për femra.