Federata e Hendbollit e Kosovës (FHK) ka filluar implementimin e projektit “Master Plan”, të financuar nga Federata Evropiane e Hendbollit, me qëllim zhvillimin e sportit të hendbollit dhe rritjen e bazës së lojtarëve dhe trajnerëve në vend.

Prioritet projektit i është dhënë në Mitrovicë, ku në bashkëpunim me Federatën e Sportit Shkollor është nisur liga e hendbollit për shkollat e qytetit. Aktualisht në projekt janë të angazhuar 160 fëmijë nga tetë shkolla, ndërsa xhirot për djem e vajza zhvillohen në baza javore.

Ky është një hap i rëndësishëm drejt zhvillimit të hendbollit në Kosovë dhe krijimit të një infrastrukture të fortë sportive për të rinjtë.