Në kuadër të finales së Ligës Unike për Femra, janë nderuar gjyqtaret pjesëmarrëse të Kampit për gjyqtare të basketbollit të organizuar nga Federata e Basketbollit e Kosovës, e cila u mbajt paralelisht me këtë garë.

Komesari i Garave në FBK, Faton Kurshumlija, ndau mirënjohje për gjyqtaret pjesëmarrëse, si dhe për instruktorin e FIBA-s Sinisa Herceg, i cili udhëhoqi kampin, raporton Federata e Basketbollit e Kosovës

Kampi u realizua me iniciativë të Jeta Zeka, gjyqtares së parë femër nga Kosova, duke shënuar një moment të rëndësishëm për përfshirjen e garave në basketboll.

Ky projekt u mbështet fuqishëm nga FBK, në përputhje me Planin Strategjik 2026-2030, që synon rritjen e pjesëmarrjes së vajzave dhe grave në basketboll.

Në kamp morën pjesë gjyqtare nga disa shtete evropiane, përfshirë Kosovën, Greqinë, Malin e Zi, Bullgarinë, Austrinë dhe Hungarinë.

Përveç pjesës teorike, gjyqtaret patën mundësinë të gjykojnë edhe ndeshje të Final 4 të Ligës Unike për Femra në Prizren, duke kombinuar përgatitjen profesionale me përvojën praktike në terren.

KosovaPress