Evropa Perëndimore përjetoi qershorin më të nxehtë ndonjëherë
Dëgjoje me zë...
Evropa Perëndimore përjetoi qershorin më të nxehtë ndonjëherë
Evropa Perëndimore përjetoi qershorin më të nxehtë të regjistruar ndonjëherë, me temperatura 3.06°C mbi mesataren e dekadave të fundit, sipas shërbimit evropian Copernicus. Globalisht, qershori 2026 ishte 0.56°C mbi mesataren e viteve 1991–2020 dhe 1.39°C mbi nivelin paraindustrial, duke u renditur si qershori i dytë më i nxehtë në histori. Oqeanet arritën temperatura rekord.
Evropa Perëndimore po përballet me valën e tretë të të nxehtit brenda gjashtë javësh, ndërsa thatësira ka nxitur zjarre të mëdha në Francë dhe Spanjë. Deri tani, zjarret në BE kanë djegur 56% më shumë sipërfaqe se zakonisht. Barcelona shënoi rekord me 40.5°C, ndërsa në Francë humbi jetën një zjarrfikës gjatë shuarjes së flakëve.
Edhe Mbretëria e Bashkuar po kalon valën e tretë të të nxehtit, me temperatura deri në 34°C dhe net shumë të ngrohta që kanë shkaktuar probleme me gjumin, sipas The Guardian.
Ekspertët si Stephen Belcher nga The Met Office, shërbimi kombëtar i Mbretërisë së Bashkuar për motin dhe klimë theksojnë se këto ekstreme janë pasojë e ndryshimeve klimatike të shkaktuara nga emetimet e karbonit, përcjell KosovaPress.
