Eurobasket 2025/ Zbulohet lista e Kosovës për sfidën me Norvegjinë
Lexohet për: 1 min.
2 vite më parë
Linku u kopjua
Përzgjedhësi i Kosovës në basketboll, Christos Marmarinos ka shpallur listën për ndeshjen me Norvegjinë, që do të zhvillohet më 27 Nëntor, nga ora 19:00 në Mitrovicë.
Në këtë listë ndodhen 13 basketbollistë, ku më pas do të reduktohet në 12 lojtarë për sfidën ndaj norvegjezëve, që është e vlefshme në rrethin e parë parakualifikues për Eurobasket 2025.
Në këtë listë shihet rikthimi te Kosova i organizatorit, Scott Bamforth, i cili tani luan në Francë, te skuadra Le Mans. Skuadra do të fillojë grumbullimin sot (e shtunë), kurse amerikani i natyralizuar do t’i bashkohet ekipit më vonë.
Sot (e shtunë) do të stërviten pasdite, ndërsa nga dita e diel do t’i intensifikojnë përgatitjet për të qenë sa më të gatshëm për duelin ndaj Norvegjisë.
Sfidën e parë e kanë fituar norvegjezët 86:77, ndërkohë Dardanët shënuan fitore ndaj Danimarkës 78:73.
Kjo është lista e plotë:
Dardan Berisha, Dion Sheqiri, Fisnik Rugova, Meriton Ismaili, Erjon Kastrati, Gëzim Morina, Drilon Hajrizi, Samir Zekiqi, Valon Bunjaku, Muhamedali Janjeva, Mikaile Tmusiq, Arti Hajdari dhe Scott Bamforth.
