Euro 2024: Caktohet referi për çerekfinalen mes Anglisë dhe Zvicrës
Gjyqtari italian, Daniele Orsato do të gjykojë në çerekfinalen e Euro 2024 mes Anglisë dhe Zvicrës, me Massimiliano Irratin në VAR.
Ndeshja do të zhvillohet në Dusseldorf të shtunën me fillim nga ora 18:00, raporton KosovaPress.
Ai është në mesin e kandidatëve për t'u vënë në krye të finales së madhe të këtij turneu, aq më tepër që këtë verë po shkon drejt pensionit.
Italia është eliminuar, ndaj edhe ai nuk do të rrezikonte të kishte konflikt interesi, edhe nëse do të eliminohej në 1/16 nga Zvicra.
Orsato do të ndihmohet nga Ciro Carbone dhe Alessandro Giallatini, me gjermanin Daniel Siebert si gjyqtar të katërt.
Massimiliano Irrati do të jetë në kabinën e VAR për të komunikuar me Orsaton në rast incidentesh të diskutueshme.
Arbitri 48-vjeçar drejtoi dy fitoret 1:0 të Anglisë kundër Kroacisë në Euro 2020 dhe Serbisë në Euro 2024.
Rekordi i tij me Zvicrën është një fitore 5:2 në Ligën e Kombeve ndaj Belgjikës në nëntor të vitit 2018, pastaj barazimet me Belgjikën dhe Gjermaninë, kjo e fundit në fazën e grupeve të Euro 2024.
