Ekipi kombëtar i femrave të futbollit të Iranit bëri një akt të pazakontë para ndeshjes së tyre hapëse në Kampionatin e Azisë për femra 2026, duke refuzuar të këndojë himnin kombëtar para fillimit të lojës kundër Koresë së Jugut.

Futbollistet qëndruan të heshtura, në stadiumin Cbus Super Stadium në Gold Coast, Australi, ndërsa himni kombëtar luhej, një veprim që u interpretua si protestë e heshtur kundër regjimit politik në Iran dhe tensioneve të theksuara brenda vendit.

Ky veprim vjen në një kohë të tensionuar për Iranin, ndërsa ka raporte për trazira të brendshme dhe pakënaqësi ndaj qeverisë që janë reflektuar edhe në sport.