Frankfurt, 2 mars 2026 – Fondi Evropian për Evropën Juglindore (EFSE) po forcon angazhimin e tij për zhvillim ekonomik gjithëpërfshirës dhe të qëndrueshëm duke ofruar një kredi prej 20 milionë eurosh për BKT Kosova, me qëllim fuqizimin e financimit për mikro, ndërmarrjet e vogla dhe të mesme (NVM) në Kosovë. Marrëveshja shënon një hap të rëndësishëm në mbështetjen e rritjes dhe qëndrueshmërisë së bizneseve në ekonominë vendore.

Tridhjetë për qind e kësaj linje të re financimi do të dedikohet për bujqësinë e qëndrueshme, duke reflektuar prioritetin strategjik të EFSE-së për promovimin e praktikave bujqësore me përdorim efikas të burimeve në Evropën Juglindore. Përmes kësaj alokimi të synuar, EFSE dhe banka synojnë t’u ofrojnë fermerëve dhe agro-bizneseve mjetet e nevojshme për të rritur produktivitetin, përmirësuar menaxhimin e tokës dhe ujit, si dhe për t’u përshtatur ndaj sfidave në rritje mjedisore dhe të tregut.

Përveç financimit, EFSE ofron edhe mbështetje këshillimore dhe ngritje të kapaciteteve për BKT Kosova. Kjo përfshin integrimin e kreditimit për bujqësi të qëndrueshme në portofolin ekzistues të bankës, mbështetjen për pilotimin dhe lansimin e një produkti të dedikuar për bujqësi të qëndrueshme me trajnime për stafin, si dhe trajnime të përshtatura për të rritur ndërgjegjësimin e fermerëve mbi praktikat dhe teknologjitë e qëndrueshme.

Jasminka Begert, Menaxhere e Portofolit në EFSE, deklaroi:

“Kjo partneritet me BKT Kosova pasqyron përkushtimin tonë të përbashkët për të forcuar qëndrueshmërinë e fermerëve dhe sipërmarrësve ruralë në Kosovë. Duke kombinuar financimin e synuar me mbështetje praktike këshillimore dhe trajnime, ne po ndihmojmë në ndërtimin e aftësive dhe strukturave të nevojshme për një rritje të vërtetë të qëndrueshme në bujqësi.”

Ndërsa Suat Bakkal, Drejtor Ekzekutiv dhe Anëtar i Bordit të BKT Kosova, tha:

“Jemi të kënaqur që po forcojmë më tej partneritetin me EFSE, një partner i kahershëm dhe i besueshëm i BKT Kosova, përmes kësaj linje të re financimi. Kjo mbështetje do të kontribuojë drejtpërdrejt në rritjen dhe qëndrueshmërinë e mikro, ndërmarrjeve të vogla dhe të mesme në gjithë Kosovën. Angazhimi i EFSE-së për bujqësinë e qëndrueshme është i rëndësishëm, pasi fuqizon fermerët dhe agro-bizneset tona të adoptojnë praktika moderne dhe efikase, duke rritur produktivitetin dhe kujdesin ndaj mjedisit. Duke kombinuar ekspertizën e EFSE-së me praninë tonë të fortë në treg, po krijojmë vlerë afatgjatë për sipërmarrësit ruralë dhe po kontribuojmë në një ekonomi më të qëndrueshme dhe konkurruese për Kosovën.”

Duke integruar mbështetjen financiare dhe këshillimore, EFSE dhe BKT Kosova po avancojnë zhvillimin ekonomik afatgjatë në Kosovë, duke forcuar zinxhirët lokalë të vlerës dhe duke mbështetur sipërmarrësit në komunitetet rurale. Ky partneritet nënvizon rolin e EFSE-së si investitor i besueshëm me fokus në ndikim dhe katalizator për rritje të qëndrueshme në rajon.

Rreth EFSE

Fondi Evropian për Evropën Juglindore (EFSE) është një fond investimi me ndikim, i krijuar për të nxitur zhvillimin ekonomik dhe prosperitetin në Evropën Juglindore dhe Kaukaz. Përmes dy nënfondeve të tij – Nënfondit Rajonal (RSF) dhe Nënfondit për Ukrainën (USF) – EFSE ofron zgjidhje financiare të përshtatura për të nxitur sipërmarrjen, përforcuar përfshirjen financiare dhe mbështetur ekonomitë lokale.

EFSE është themeluar në vitin 2005 nga Banka Gjermane për Zhvillim (KfW), me mbështetje financiare nga Ministria Federale Gjermane për Bashkëpunim Ekonomik dhe Zhvillim (BMZ) dhe Komisioni Evropian. Si partneriteti i parë publik-privat i këtij lloji, EFSE mbledh kapital nga agjenci donatore, institucione financiare ndërkombëtare dhe investitorë institucionalë privatë.

Finance in Motion Asset Management S.à r.l., Luksemburg, shërben si Menaxher i Portofolit të EFSE-së, ndërsa Hauck & Aufhäuser Fund Services S.A., Luksemburg, vepron si menaxher i fondit.

Për më shumë informata: www.efse.lu

Rreth Finance in Motion

Finance in Motion strukturon, menaxhon dhe këshillon pothuajse 4 miliardë euro në 11 fonde, të gjitha të klasifikuara si SFDR Neni 9. Këto fonde të tregut privat krijojnë ndikim për njerëzit dhe planetin përmes ndërmjetësve financiarë rajonalë, investimeve direkte, si dhe mbështetjes këshillimore dhe ngritjes së kapaciteteve.

E themeluar në Gjermani, me ekspertizë lokale nga Amerika Latine deri në Evropën Lindore, kompania ka mbi 20 vjet përvojë investimi në tregjet në zhvillim.

Për më shumë informata: www.finance-in-motion.com

Rreth BKT Kosova

BKT Kosova operon në tregun kosovar si banka me rritjen më të shpejtë dhe ndër më inovativet. Si bankë universale, BKT Kosova u shërben klientëve në 17 qytete përmes një rrjeti prej 25 degësh, me mbi 500 punonjës (FTE) dhe 82 bankomate në gjithë vendin.

Banka ka prezantuar një sërë zgjidhjesh moderne bankare, duke ofruar produkte dhe shërbime konkurruese për individë, korporata, NVM dhe mikro-ndërmarrje. BKT Kosova synon të njihet si partner bankar global i besueshëm.

Në kuadër të qasjes së saj për qëndrueshmëri, banka integron vlerat korporative dhe parimet themelore të qëndrueshmërisë në strategjinë e saj të përgjithshme të biznesit.

/Kosovapress/