16:20

FSK nis operacionin e kërkimet për personin e zhdukur në liqenin e Batllavës

Ekipi i kërkim-shpëtimit në ujëra i FSK i janë bashkuar operacionit për gjetjen e personit të zhdukur në liqenin e Batllavës. Lajmin për KosovaPress e konfirmoi zëdhënësi i FSK-së Vëllazërim Qerimi.

Ai bëri të ditur se operacioni do të zhvillohet në koordinim me institucionet e tjera të angazhuara në terren, të cilat tashmë kanë nisur kërkimet.

Policisë e Kosovës, fillimisht konfirmoi për KosovaPress se rreth orës 13:00 është pranuar një informatë se një person ka hyrë në ujë dhe më pas nuk është parë të dalë.

15:41

KosovaPress mëson nga burimet e saj në Policinë e Kosovës, se i dyshuari ka qenë në varkë në liqenin e Batllavës i shoqëruar me të dashurën e tij dhe ka kërcyer në ujë për freski, por i njëjti pati probleme gjatë notimit dhe nga ai moment nuk është dalë më.

15:02

Një person dyshohet se është zhdukur në Liqenin e Batllavës, ndërsa Policia e Kosovës ka nisur një operacion kërkim-shpëtimi për lokalizimin e tij, raporton KosovaPress.

Këtë e bëri të ditur zëdhënësi i policisë për Rajonin e Prishtinës, Enis Pllana, i cili për KosovaPress tha se pranuar informata se një person kishte hyrë në ujë në Liqenin e Batllavës, por më pas nuk ishte parë të dilte.

“Rreth orës 13:00, Policia ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë. Menjëherë pas pranimit të informatës, janë angazhuar të gjitha njësitë relevante policore, si dhe njësitë e tjera të kërkim-shpëtimit, me qëllim të lokalizimit të personit.”, tha Pllana për KosovaPress

Sipas Policisë, Aktualisht, operacioni i kërkimit dhe shpëtimit është duke vazhduar, ndërsa ende nuk ka informacione për lokalizimin e personit.

Lajmi në zhvillim...

/Kosovapress/