Besohet që çifti në anijen turistike ku shpërtheu hantavirusi e kishin bartur virusin gjatë një udhëtimi ku bënë vëzhgim të shpendëve në Argjentinë, kanë thënë hetuesit për AP, përcjell KosovaPress.

Ndërkohë, kompania holandeze “Oceanwide Expeditions” ka njoftuar se tre pacientë janë transportuar me avionë të pajisur posaçërisht drejt qendrave mjekësore që mund të ofrojnë trajtim të specializuar dhe kontroll të duhur shëndetësor.

Sipas kompanisë, dy nga të evakuuarit janë në gjendje të rëndë, ndërsa personi i tretë nuk ka simptoma, por ka qenë në kontakt të afërt me një pasagjer që ka vdekur më 2 maj.