Policia e Kosovës bëri të ditur se në Mitrovicën e Jugut, u arrestuan dy të dyshuar për vjedhje të rëndë.

Në njoftimin e Policisë thuhet se dy të arrestuarit në bashkëveprim kryen vjedhjen e një shumë të parave në banesën private të një qytetari.

Dy të dyshuarve të mitur u caktua masa e ndalimit policor  24 orësh.

Postimi:

Arrestohen dy  persona të dyshuar për veprën penale-vjedhje e rëndë

Mitrovicë Jugu, 11 qershor 2026

Si rezultat i një hetimi intensiv hetuesit policorë në kuadër të Sektorit Rajonal të Hetimeve  në Mitrovicë Jugu, kanë arritur të identifikojnë dhe të arrestojnë dy persona të dyshuar për  veprën penale-vjedhje  e rëndë.

Arrestimi i  dy personave të dyshuar, është bërë mbi dyshime të arsyeshme dhe prova të siguruara se në bashkëveprim  kanë kryer veprën penale vjedhje e rëndë të raportuar dy ditë më parë, ku të dyshuarit kishin vjedhur një shumë të parave në banesën private të një qytetari     

Pas procedurave intervistuese dhe veprimeve tjera të nevojshme procedurale,  nga ana e prokurorit të rastit dy të dyshuarve të moshë së mitur, u është caktuar masa e ndalimit policor prej 24 orësh.

/Kosovapress/