Demokratët Evropianë vlerësojnë se pretendimi i ministres serbe Snezhana Paunoviq se do ta kishte “spastruar etnikisht Kosovën” është skandaloz dhe krejtësisht i papranueshëm.

“Ai përbën një miratim të hapur të zhvendosjes me forcë, persekutimit dhe krimeve kundër njerëzimit, ndërkohë që legjitimon pikërisht politikën për të cilën u akuzua Slobodan Millosheviq”, thuhet në reagim.

“Serbia nuk mund të pretendojë me bindje se është e përkushtuar ndaj anëtarësimit në BE, ndërkohë që anëtarët e qeverisë së saj ringjallin retorikën dhe ideologjinë e epokës së Millosheviqit. Respekti për vlerat evropiane fillon me refuzimin e gjuhës së spastrimit etnik - pa dykuptimësi apo justifikime”, thuhet në reagimin e Demokratëve Evropianë.