Në kuadër të xhiros së 25-të të Superligës së Kosovës, Drenica ka shënuar një fitore tejet të rëndësishme si vendas duke mposhtur Malishevën me rezultat bindës 4-2.

Ndeshja ishte dramatike dhe plot kthesa, ku fillimisht pjesa e parë u mbyll në baraspeshë 1-1 pas golave të Jasharit dhe Diatta-s. Megjithatë, drenicakët u treguan më kërkues në pjesën e dytë, duke gjetur rrjetën edhe tri herë të tjera përmes Jasharit, Ukës dhe Veliqit, për të siguruar tri pikë jetike në luftën për mbijetesë.