Drafti i Ramës për Asociacionin, Berisha: I shkruar në Beograd
Lexohet për: 1 min.
1 vit më parë
Linku u kopjua
Ish-kryeministri i Shqipërisë, Sali Berisha ka reaguar pas propozimit të draftit të kryeministrit Edi Rama për Asocicionin e komunave me shumicë serbe në Kosovë. Sipas tij, teksti i këtij drafti është shkruar në Beograd.
Berisha para mediave tha se Rama me këtë veprim shpalosi veten si “një vasal i shpifur i Aleksandër Vuçiqit”.
Derisa ka kritikuar kryeministrin aktual shqiptar, Berisha ka folur edhe për Qeverinë e Kosovës, duke thënë se kjo e fundit e ka për detyrë të bashkëpunojë me faktorin ndërkombëtar.
Ai ka përsëritur se mbështet Asociacionin e komunave me shumicë serbe në Kosovë, porse kurrë jashtë prerogativave kushtetuese të Republikës së Kosovës.
Ndryshe, kryeministri i Shqipërisë, Edi Rama, ka deklaruar se e ka dorëzuar një draft të Asociacionit të komunave me shumicë serbe, te presidenti francez Emmanuel Macron, dhe kancelari gjerman, Olaf Scholz. Për këtë dokument, ai ka thënë se i ka vënë në dijeni edhe presidentin e Këshillit Evropian dhe amerikanët.
