Djali i Princeshës së Kurorës së Norvegjisë, Marius Borg Høiby, është dënuar me katër vjet burg nga një gjykatë në Oslo, pasi u shpall fajtor për dy akuza për përdhunim.

29-vjeçari, i cili i mohon akuzat dhe ka të drejtë apelimi, ishte përballur me gjithsej 40 akuza penale që mund të sillnin deri në 16 vjet burg.

Akuzat lidhen me katër gra në periudhën 2018–2024, të cilat dyshohet se kanë qenë në gjumë ose të paafta për të dhënë pëlqim.

Prokuroria kishte kërkuar mbi shtatë vjet burg, ndërsa mbrojtja kërkonte dënim shumë më të lehtë dhe lirimin nga akuzat kryesore.

Sipas rrjetit të lajmeve Deutsche Welle, ai u shpall gjithashtu fajtor për dhunë ndaj ish të dashurës, kërcënime dhe shkelje trafiku, ndërsa u lirua nga dy akuza të tjera për përdhunim.

Rasti, i cili zgjati shtatë javë dhe përfshiu dëshmi për drogë, mesazhe dhe video intime, ka shkaktuar debat të madh në Norvegji dhe ka dëmtuar imazhin e familjes mbretërore.

Ulja e popullaritetit të monarkisë u ndikua edhe pasi u zbulua miqësia e Princeshës së Kurorës me Jeffrey Epstein, për të cilën ajo kërkoi falje.