Dita Ndërkombëtare për Përfundimin e Fistulës Obstetrike, 23 maj, shënohet sot në botë për të rritur ndërgjegjësimin në një përpjekje për t'i dhënë fund një dëmtimi shkatërrues që mund të ndodhë gjatë lindjes kur shërbimet mjekësore nuk janë të disponueshme.

Fistula obstetrike është një dëmtim shkatërrues, por plotësisht i parandalueshëm dhe, në shumë raste, i shërueshëm gjatë lindjes së fëmijëve.  Ajo i lë gratë dhe shumë vajza të papërmbajtura dhe shpesh të stigmatizuara, të abuzuara dhe të izoluara nga familjet dhe komunitetet. 

Të paktën dy milionë gra dhe vajza jetojnë me këtë sëmundje dhe çdo vit ndodhin 50 mijë deri në 100 mijë raste të reja.

Tema e këtij viti "Të thyejmë ciklin: Parandalimi i fistulës në mbarë botën", nënvizon nevojën urgjente për të trajtuar fistulën obstetrike, duke theksuar qasjen e barabartë në shërbimet cilësore të shëndetit të nënës, riintegrimin social dhe investimet e qëndrueshme në sistemet e kujdesit shëndetësor.

Në vitin 2003, Fondi i Kombeve të Bashkuara për Popullsinë (UNFPA) dhe partnerët e tij nisën një fushatë globale për t'i dhënë fund fistulës, në përputhje me objektivat ndërkombëtare për të përmirësuar shëndetin e nënës dhe të porsalindurit dhe me synimin për ta bërë fistulën obstetrike si të rrallë në vendet në zhvillim si në botën e zhvilluar.

Në vitin 2018, Asambleja e Përgjithshme e Kombeve të Bashkuara miratoi një rezolutë për t'i dhënë fund deri në vitin 2030.

Përfundimi i fistulës globalisht kërkon udhëheqje të fortë politike, ndërhyrje strategjike dhe urgjente, rritje të konsiderueshme të burimeve dhe forcimin e bashkëpunimit midis qeverive, partnerëve, shoqërisë civile, ofruesve të kujdesit shëndetësor, grave dhe komuniteteve.

Gjatë dy dekadave të fundit, UNFPA ka mbështetur 140 mijë operacione të riparimit të fistulave, mbi 12 mijë gra dhe vajza morën mbështetje për riintegrimin social midis 2018-2023.