Ministrja e Mjedisit dhe Planifikimit Hapësinor, Fitore Pacolli për Ditën Botërore të Ujit paraqiti , siç thotë, vizionin për mbrojtjne burimeve ujore.

“Master Plani Shtetëror

Do të fillojmë procedurat për hartimin e Master Planit Shtetëror. Ky do të jetë udhërrëfyesi ynë i panegociueshëm i shtetit tonë që do ta orientoj secilin investim e shfrytëzim të ujërave.

Ndalimin e degradimit të lumenjve

Do të ndalim urgjentisht degradimin e shtretërve dhe do të heqim barrierat artificiale ekzistuese.

Siguri dhe ujë të bollshëm

Do të vazhdojmë me ndërtimi e 5 digave dhe liqeneve artificiale për sigurimin e ujit të pijshëm dhe ndërtimi i impianteve të mëdha për trajtimin e ujërave të zeza. Do të vazhdojmë me projekte për përdorimin e ujit të shiut për shërbime sanitare dhe ujitje.

Do të vendosim Ligjshmëri dhe Rregull në Pronat Ujore

Do të hartojmë një plan të detajuar oër skanimin e gjendjes së pronës ujore, lirimin e pronave ujore të uzurpuara si dhe do të vendosim tarifim të arsyeshëm për shfrytëzimin e tyre. Do të bëjmë fuqizimi dhe zbatimi i dy ligjeve qenësore për menaxhimin dhe financimin e resurseve ujore (Ligji për Menaxhimin e Resurseve Ujore dhe Ligjin për Financimin e Resurseve Ujore).

 Zero tolerancë ndaj abuzuezve të ujërave

Ndalje e pakompromis e nxjerrjes ilegale të zhavorrit dhe detyrim i rreptë për hidrocentralet që të respektojnë prurjen ekologjike për mbrojtjen e faunës.

Të vendosur të mbrojmë burimet e ujit, pra jetën, të ardhmen dhe vetë shtetin tonë.

Atdhe tjetër nuk kemi!”, shkroi ministrja Pacolli.

/Kosovapress/