Një zjarr i madh ka përfshirë një deponi hekurishtesh në fshatin Shupkovc të Mitrovicës, duke shkaktuar shqetësim te banorët dhe ndërprerje të përkohshme të qarkullimit rrugor.

Sipas informacioneve fillestare, dyshohet se brenda deponisë ndodhen edhe bombola të gazit. Për shkak të situatës së krijuar është bllokuar rruga për qarkullimin e automjeteve në hyrje të Mitrovicë.

Ndërkohë, KosovaPress ka tentuar të kontaktojë me zëdhënësin e policisë për rajonin e Mitrovicës, Avni Zaiti, por i njëjti nuk ka qenë i qasshëm, derisa Veton Elshani, zëvendës-komandanti i policisë për rajonin e veriut, nuk kishte njohuri fare për këtë incident.