Napoli dhe Roma kanë luajtur sonte baras me rezultat 2:2, në një ndeshje dramatike ku epilogu u vendos në minutat e fundit. Dybala nga penalltia në minutën 59 solli Romën në epërsi, për të kaluar vetëm pesë minuta nga barazimi i Napolit përmes Olivera. Gjashtë minuta para përfundimit të ndeshjes Osimhen solli vendësit në epërsi nga penalltia. Kur të gjithë menduan se pikët do të mbeten në “Diego Armando Maradona”, Abraham barazoi shifrat për 2:2, pas rishikimit të VAR-it, një minutë para përfundimit të kohës së rregullt. Vlen të theksohet se Amir Rrahmani i cili në ndeshje u kthye pas pezullimit u ndëshkua me karton të verdhë në minutën e 75-të. Pas këtij barazimi Roma mbetet e pesta në tabelë me 59 pikë, Napoli i teti me 50 pikë.