Kombëtarja A e Kosovës e vajzave ka nisur përgatitjet për dy ndeshjet e fundit të ciklit kualifikues për Kupën e Botës.

Me përkushtim maksimal si dhe motivim të lartë për sfidat vendimtare, Dardanet kanë zhvilluar stërvitjen e parë stërvitore në Kampin Nacional të FFK-së në Hajvali, nën drejtimin e përzgjedhësit Sami Sermaxhaj.

Ndërkohë, Kosova më 5 qershor në Prishtinë, do të përballet me rivalin direkt Kroacinë, me fillim nga ora 19:00, derisa më pas do të udhëtojë drejt Gjibraltarit për sfidën e fundit të këtij cikli, që do të zhvillohet më 9 qershor, po në të njëjtën orë.  

Vajzat dardane synojnë ta mbyllin këtë rrugëtim me paraqitje dinjitoze dhe rezultate që ua sigurojnë pozitën e parë në renditje, të bashkuara, të vendosura dhe krenare për fanellën.

Kosova bën pjesë në Grupin C2, ku aktualisht kryeson renditjen, e ndjekur nga Kroacia, Bullgaria dhe Gjibraltari.

KosovaPress