Chelsea ka arritur marrëveshje të plotë verbale për kushtet personale me kapitenin e Sunderland dhe kombëtares së Zvicrës, Granit Xhaka.

Lajmi është bërë i ditur ekskluzivisht nga gazetari i Sky Sport Germany, Florian Plettenberg, i cili konfirmon se blutë e Londrës janë tashmë në bisedime zyrtare me Sunderland për të gjetur akordin përfundimtar mes klubeve.

Klubi londinez po shfaq gatishmëri për të transferuar lojtarë me eksperiencë të provuar, duke u larguar pjesërisht nga politika e mëparshme që bazohej pothuajse ekskluzivisht te talentet e reja me vlerë të lartë rishitjeje.