Në ditët e sotme, përdoruesi i një telefoni të zgjuar është gjithnjë e më shumë kërkues dhe pret nga pajisja e tij të kryejë thuajse çdo detyrë. Kryerje telefonatash, dërgim mailesh, të parit video në platforma si Netflix, të luajë lojën e preferuar, të zhvillojë pasionet, të ndjekë ritmin e një jete të shëndetshme e sa e sa funksione të tjera. Të gjitha çfarë përmendëm më lartë e shumë më tepër janë vetëm maja e akullnajës se çfarë mund të ofrojnë pajisjet e reja të Galaxy S23. Këta telefonë të fuqishëm shtyjnë edhe më tej kufijtë e teknologjisë dhe risisë. Më poshtë po listojmë disa nga karakteristikat unike që e bëjnë serinë e smartphone-ve Galax S23 kaq të fuqishme dhe të pëlqyer nga të gjithë.

Fuqia që i duhet çdo përdoruesi në ditët e sotme; Performancë premium dhe siguri

Seria Galaxy S23 fuqizohet nga platforma e re Snapdragon® 8 Gen 2. Kjo është platforma më e fuqishme dhe efikase ndonjëherë në një smartphone Samsung Galaxy  dhe Snapdragon më i shpejtë i disponueshëm deri më sot. Për sa i përket baterisë, Galaxy S23 Ultra vjen me një bateri 5000 mAh, Galaxy S23 me 3900 mAh dhe Galaxy S23+ me 4700 mAh. Kjo gjë garanton orë e orë të tëra përdorimi dhe kur është koha për të karikuar, me karikuesin 45 W smartphone juaj do karikohet deri në 65% të kapacitetit të baterisë në vetëm 30 minuta.

Siguria është gjithashtu një element i rëndësishëm i serisë Galaxy S23. Çdo smartphone vjen me mbrojtje Samsung Knox, i cili ka marrë më shumë certifikata nga qeveria dhe industria se çdo pajisje, platformë ose zgjidhje tjetër celulare në treg. Për një nivel më të lartë sigurie, Knox Vault, i cili u prezantua për herë të parë në serinë Galaxy S21, mbron informacionin kritik në serinë Galaxy S23 duke e izoluar atë nga pjesa tjetër e pajisjes, përfshirë sistemin operativ, për mbrojtje shtesë.

Shndërrohuni në një fotograf profesionist

Me telefonat e zgjuar, duket se të gjithë kemi zhvilluar nga pak pasionin e fotografisë. Megjithatë disa prej nesh në rrjetet sociale e jo vetëm dallojnë falë fotove që postojnë. Arsyeja?? Një smartphone që bën diferencën e padyshim nga seria e re e Galaxy S23. Seria Kjo e fundit vjen me kamera të përmirësuara dhe risia kryesore është sensori Adaptive Pixel 200MP në modelin Galaxy S23 Ultra, që kap çdo moment me saktësi të jashtëzakonshme. Përveç kësaj, është përmirësuar funksioni Nightography, i cili ju ndihmon të krijoni fotografi të ndritshme, plot ngjyra dhe me cilësi të lartë nga agimi në muzg. ‘Zhurma vizuale’ që zakonisht shkatërron imazhet me dritë të ulët tashmë korrigjohet nga një algoritëm i ri i përpunimit të sinjalit të imazhit (ISP) me fuqi AI që përmirëson detajet e objektit dhe tonin e ngjyrave.

Duke ditur se kamerat selfie janë më të rëndësishme se kurrë për mënyrën se si ne komunikojmë sot, seria Galaxy S23 ka prezantuar fokusimin automatik të shpejtë dhe kamerën e parë selfie Super HDR, duke kaluar nga 30 në 60 fps, për imazhe dhe video dukshëm më të mira në pjesën e përparme. E për ata që i kushtojnë pak më shumë vëmendje fotografisë, aplikacioni Expart Raw në pajisjet Galaxy sjell opsione profesionale editimi në format RAW dhe JPEG, ndërsa S Pen që gjendet në modelin Galaxy S23 Ultra do t'ju ndihmojë gjatë përpunimit të fotove. Gjithashtu, në kuadër të këtij aplikacioni ekziston një opsion i ri i quajtur Astrophoto për të kapur pamje të qarta të Rrugës së Qumështit, planeteve dhe yjeve, pa pasur nevojë për pajisje profesionale.

Dizajni unik që bën për vete çdo përdorues

Dizajni është një nga detajet që çdokush vë re, kur blen një smartphone të ri. Veç karakteristikave dhe funksioneve të lartpërmendura, seria e re e Galaxy S23 ofron një dizajn jo vetëm elegant, por edhe të qëndrueshëm. I përforcuar me xham Corning® Gorilla® Glass Victus® 2, ky smartphone definitivisht nuk do të dëmtohet pas aksidentit të parë. Përveç rezistencës së përkohshme ndaj ujit dhe spërkatjeve, certifikimi IP68 garanton gjithashtu mbrojtje kundër pluhurit, rërës dhe grimcave të vogla - që do të thotë se mund ta merrni Galaxy S23 Ultra me vete në çdo aventurë tuajën në natyrë.

Gjithashtu, Samsung Galaxy ka rritur përdorimin e materialeve të ricikluara nga gjashtë komponentë të brendshëm në Galaxy S22 Ultra në 12 komponentë të brendshëm dhe të jashtëm në Galaxy S23 Ultra. Me një telefon të serisë Galaxy S23, ju reduktoni gjurmët tuaja në planet, duke ndihmuar për një të ardhme më të mirë.

Ngjyrat... Një tjetër detaj unik që i bën këto smartphone të dëshirueshëm nga të gjithë. Seria Galaxy S23 vjen në katër nuanca mat të frymëzuara nga natyra: E gjelbër, krem, vjollcë e hapur dhe e zezë e tejdukshme.Gjithëkush mund të gjejë veten mes ngjyrës së gjelbër, krem, për ata që preferojnë neutralen, vjollcë e hapur për ëndërrimtarët dhe e zezë e tejdukshme për guximtarët.

Seria më e fundit e telefonave inteligjentë Galaxy S23 e cila përbëhet nga Galaxy S23, Galaxy S23+ dhe sigurisht modeli Galaxy S23 Ultra është gjenerata që do ju ndihmojë të zhvilloni më tej pasionet tuaja, të ndihmoni në një të ardhme më të mirë për planetin dhe të bëni gjithmonë e më shumë me smartphone-in tuaj.

Telefonat inteligjentë të serisë Galaxy S23 janë në dispozicion në Shqipëri në ngjyrat: E gjelbër, krem, vjollcë e hapur dhe e zezë e tejdukshme . Galaxy S23 Ultra do të jetë në dispozicion me një çmim të sugjeruar me pakicë prej 1,519 Eur, Galaxy S23+ me 1,299 Eur dhe Galaxy S23 me 1,029 Eur në dyqanet partnere dhe online të Samsung. Për më shumë informacion rreth serisë Galaxy S23, ju lutemi vizitoni: https://www.samsung.com/al/