Ish-pjesëtari i Ushtrisë Çlirimtare të Kosovës (UÇK), Blerim Ramadani është në Kosovë. Sipas informatave të KosovaPress-it, Ramadani u largua nga Maqedonia e Veriut pas një akt vendimi që i ka arritur atij për t’u kthyer nga arresti shtëpiak në paraburgim në burgun e Shutkës.

Ardhjen e tij në Kosovë e ka konfirmuar nipi i tij, Arianiti.

“Si nip i Blerimit konfirmoj që Blerimi është në Kosovë dhe se është shëndosh e mirë”, tha ai.  

Përndryshe, Blerim Ramadani e detyrua të largohet nga Maqedonia ku nga gjykata atje ishte ndaluar në arrest shtëpiak.

Ndërkohë sot ose nesër për kërkesën e ekstradimit të tij në Serbi pritej ta shqyrtonte Gjykata Supreme në Maqedoni.

Blerim Ramadani në bazë fletarrestit ndërkombëtar të lëshuar në Interpol nga Serbia u arrestua më 17 korrik në vendkalimin kufitar të Jazhincës. Përmbajtja e fletarrestit bazohet në dyshimet e Serbisë se Ramadani në cilësinë e ish-ushtarit të UÇK-së ka kryer krime lufte në rajonin e Nerodimes.

https://kosovapress.com/arratiset-nga-arresti-shtepiak-ish-pjesetari-i-uck-se-blerim-ramadani

https://kosovapress.com/maqedonia-e-veriut-nuk-do-ta-ekstradoje-blerim-ramadanin