Futbollisti Baton Zabërgja, ka marrë ftesë të rëndësishme nga Kombëtarja e Kosovës, për ndeshjet vendimtare të fazës së play-off, ka bërë të ditur klubi i tij përmes një njoftimi në faqen zyrtare.

Sulmuesi i klubit Metalista 1925 është përzgjedhur nga stafi teknik për të përfaqësuar Kosovën në këtë cikël të rëndësishëm garash, që lidhet me kualifikimet drejt Botërorit.

Kjo është një mundësi e madhe për Zabërgjën që të dëshmojë vlerat e tij në arenën ndërkombëtare dhe të kontribuojë në një sukses të mundshëm historik për Kosovën.