Barcelona nuk mund të regjistrojë dy transferimet e reja për shkak të “Fair Play” financiar
Lexohet për: 2 min.
13-Barcelona
2 vite më parë
Linku u kopjua

Sipas mediave spanjolle, Barcelona ende nuk ka njoftuar për transferimet e Andreas Christensen dhe Franck Kessie, pasi që klubi nuk është në gjendje të regjistrojë dyshen për shkak të kufizimeve të “Fair Play” financiar.

Christensen pritet t'i bashkohet gjiantit katalunas si transferim i lirë kur kontrata e tij me Chelsea të skadojë muajin e ardhshëm, ndërsa Kessie gjithashtu do të arrijë në “Camp Nou” si lojtar i lirë kur marrëveshja e tij me Milanin të përfundojë në muajin qershor.

“SPORT” pretendon se Barcelona nuk ka njoftuar dy nënshkrimet, apo rinovimin e kontratës së Sergi Robertos, pasi klubi nuk është në gjendje të regjistrojë dy lojtarët dhe të qëndrojë brenda limitit të pagave.

Në janar, Barcelona nuk ishte në gjendje të regjistronte Ferran Torres, pasi nënshkroi me sulmuesin në një marrëveshje prej 55 milion eurosh nga Manchester City, përcjell KosovaPress.

Torres përfundimisht u regjistrua pasi lojtarët e tjerë në skuadrën e Barcelonës, përfshirë Samuel Umtitin, pranuan ulje të pagave.

Barcelona përdori të njëjtën metodë verën e kaluar për të lejuar regjistrimin e transferimeve të reja duke përfshirë Eric Garcia, Memphis Depay dhe Sergio Aguero.

Tani thuhet se Barcelonës do t’i nevojitet që të largojë disa lojtarë para se që të shikojë rreth mundësisë për të transferuar lojtarë të rinj.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025