FC Ballkani do ta zhvillojë sonte ndeshjen e parë të raundit të dytë kualifikues të UEFA Conference League, ku nga ora 19:00 në Dublin përballet me skuadrën irlandeze Bohemians.

Portokallinjtë synojnë të hedhin një hap të rëndësishëm drejt raundit të tretë, ndërsa ndeshja e kthimit do të vendosë ekipin që do të vazhdojë garën në Evropë.

Megjithatë, i gjithë fokusi i Ballkanit mbetet te sfida e sotme në Dublin, ku synon një rezultat pozitiv për të krijuar avantazh para ndeshjes së kthimit dhe për të vazhduar rrugëtimin në garat evropiane.