Avokati kosovar Arianit Koci, i cili është i autorizuar për të ndërmjetësuar që trupi i Faton Hajrizit të kthehet në Kosovë, ka njoftuar se strishoja e gojës e nënës së Faton Hajrizit është dhënë tek autoritetet e Serbisë për zbulimin e vrasjes së pretenduar të tij.

Avokati Koci ka shkruar në Facebook se tanimë nuk ka asnjë arsye të mos lirohet trupi i Faton Hajrizit.  

“Çdo gjë ka shkuar sipas planit tim. Zonja është me mua, rrugës për në Skenderaj. Tanimë nuk ka asnjë arsye të mos lirohet trupi, posa të kryhet analiza e strishos”, ka shkruar Koci në Facebook.

Autoritetet serbe ende nuk e kanë bërë të ditur kohën dhe mënyrën se si do të mund të sillet në Kosovë trupi i pajetë i Faton Hajrizit, shtetasit kosovar të vrarë nga autoritetet serbe më 19 korrik.

Faton Hajrizi ishte arratisur për herën e nëntë nga burgu i Smrekonicës, më 6 korrik të këtij viti.

Kryeministri i Kosovës, Albin Kurti, ka thënë se për rastin e Faton Hajrizit nevojitet një hetim vendor dhe ndërkombëtarë.

Lidhur me rastin e pretenduar nga Serbia të vrasjes së një qytetari të Kosovës në Serbi, Ministria e Punëve të Jashtme dhe Diasporës e Kosovës ka bërë të ditur se janë njoftuar nga Drejtoria e Bashkëpunimit Ndërkombëtar Policor - ILECU e Policisë së Kosovës se autoritetet serbe, më datë 22 korrik kanë dërguar shenjat e gishtërinjve të një personi.

https://kosovapress.com/gervalla-trupi-i-fatonit-te-kthehet-sa-me-shpejt-ne-kosove

https://kosovapress.com/sherbimi-korrektues-jep-detaje-per-te-arratisurin-e-denuar-faton-hajrizi

https://kosovapress.com/kurti-qytetaret-nuk-duhet-te-bien-pre-e-heroizmit-dhe-mitizimit-te-faton-hajrizit

https://kosovapress.com/gervalla-vendimi-i-be-se-per-liberalizimin-e-vizave-per-pasaportat-ilegale-serbe-rruge-e-gabuar