New York Knicks janë vetëm një fitore larg titullit të tretë në histori, pasi mposhtën San Antonio Spurs me rezultat 107-106 në ndeshjen e katërt të finaleve, duke realizuar rikthimin më të madh ndonjëherë në historinë e Finaleve të NBA-së.

Sipas Flashscore, Spurs kishin epërsi prej 29 pikësh gjatë pjesës së parë dhe shkuan në pushim me rezultat 76-49, duke vendosur rekord për më së shumti pikë (76) dhe trepikësha (14) në një pjesë të finaleve.

Megjithatë, Knicks reaguan fuqishëm në pjesën e dytë. Jalen Brunson udhëhoqi skuadrën në momentet vendimtare, ndërsa heroi i mbrëmjes ishte OG Anunoby, i cili realizoi koshin e fitores vetëm 1.7 sekonda para fundit pas një tentimi të humbur nga Brunson.

“Ne nuk u dorëzuam asnjëherë. Besuam deri në fund,” tha Brunson pas ndeshjes.

Anunoby shkëlqeu me saktësi të jashtëzakonshme nga distanca, duke realizuar 7 nga 9 tentimet për tre pikë, ndërsa Brunson ishte figura kryesore në rikthimin spektakolar të vendasve.

Me këtë fitore, Knicks kalojnë në epërsi 3-1 në seri dhe tashmë janë vetëm një triumf larg ngritjes së trofeut Larry O'Brien.

KosovaPress