Andin Hoti themelon grupin punues për mbrojtjen e konsumatorëve të cenueshëm
Lajme
Lexohet për: 1 min.
Dëgjoje me zë...
Andin Hoti themelon grupin punues për mbrojtjen e konsumatorëve të cenueshëm
Ministri për Punë, Familje dhe Vlerat e Luftës Çlirimtare, ka njoftuar themelimin e Grupit Punues për hartimin e Programit për Mbrojtjen e Konsumatorëve të Cenueshëm për periudhën 2026–2027.
Sipas një njoftimi të ministrisë, përmes këtij programi do të hartohen kriteret, procedurat dhe mekanizmat e nevojshëm për dizajnimin dhe zbatimin e masave në mbështetje të konsumatorëve të cenueshëm, në përputhje me legjislacionin në fuqi dhe standardet përkatëse.
Ministria për Punë, Familje dhe Vlerat e Luftës Çlirimtare thekson se synon ndërtimin e politikave të qëndrueshme që mbrojnë qytetarët më të cenueshëm dhe u garantojnë atyre qasje më të drejtë në shërbimet dhe mbështetjen institucionale.
Sipas ministrisë, hartimi i këtij programi synon të krijojë një kornizë të qartë për mbështetjen e kategorive më të ndjeshme të shoqërisë, përmes mekanizmave dhe masave që do të zbatohen gjatë periudhës 2026–2027.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
