Pasi që ish-kryetari i Nju Jorkut, Eric Adams ka marrë nënshtetësinë shqiptare, ka reaguar ambasadori i Shqipërisë në SHBA, Ervin Bushati.

Në një postim të Ambasadës së Shqipërisë në SHBA, ambasadori Ervin Bushati, uron ish-kryebashkiakun e Njo Jorkut pas marrjes së pasaportës shqiptare, transmeton KosovaPress.

Në urim thuhet se Eric Adams, është përkrahës i fortë i komunitetit shqiptar në Shtetet e Bashkuara, veçanërisht në Neë York, dhe se marrja e shtetësisë shqiptare shkon përtej një akti formal shtetëror.

“Eric Adams, përkrahës i fortë i komunitetit shqiptar në Shtetet e Bashkuara, veçanërisht në Neë York. Nën drejtimin e tij, komuniteti shqiptar ka marrë një rol të rëndësishëm në jetën publike të qytetit, duke afirmuar identitetin e tij përmes kulturës, traditës dhe kontributit të përditshëm në zhvillimin e qytetit. Marrja e shtetësisë shqiptare shkon përtej një akti formal shtetëror. Ajo përfaqëson kulmin e angazhimit të tij të drejtpërdrejtë me komunitetin shqiptar dhe me Shqipërinë, të cilën ai e vizitoi së fundmi”, thuhet në urimin e ambasadorit Bushati.  

Kjo ambasadë ka vendosur foton e ambasadorit të Shqipërisë në SHBA, Ervin Bushati, me fjalët: Eric, tashmë simboli i shqiponjës ka një tjetër peshë për ty, miku im”.

/Kosovapress/