Aktiviteti “16 Ditë të Aktivizmit“ synon luftimin e pabarazisë gjinore në sport
Lexohet për: 1 min.
1 vit më parë
Linku u kopjua
Komiteti Olimpik i Kosovës, në bashkëpunim me BeActive kanë shënuar aktivitetin “16 Ditë të Aktivizimit” i cili ka për synim përfshirjen sa më të madhe të grave dhe vajzave në sport.
Me këtë rast, Presidenti i Komitetit Olimpik të Kosovës, Ismet Krasniqi ka deklaruar se vajzat dhe gratë duhet të inkurajohen që të merren sa më shumë me sport për shkak se ky aktivitet ka ndikim tejet pozitiv në shëndetin e tyre.
Ndërsa Koordinatori Nacional i BeActive, theksoi se duhet të bëhet më shumë për ta luftuar pabarazinë gjinore, gjë e cila, sipas tij, vie edhe për shkak të qëndrimeve patriarkale.
Vjollca Krasniqi dhe Besire Domaniku, anëtare në komisionin ‘Sporti dhe Femra” kanë vënë në pah rëndësinë e madhe që ka sporti për gratë. Ato kanë thënë se marrja me sport rrit vetëbesimin dhe vetëvlerësimin e vajzave dhe grave.
Ky aktivitet në fund u shënua me një vallëzim të një grupi të vajzave dhe grave në shenjë për aktivitetin e grave në sport.
