Kryetari i Bashkimit Demokratik për Integrim, Ali Ahmeti në takim me Komisionerin evropian për Buxhet dhe Administratë, Johannes Hahn kanë disktuar për procesin e skriningut, integrimin evropian, reformat në administratë, ndryshimet kushtetuese, gjendjen në rajon si dhe dialogun mes Kosovës dhe Serbisë.

Sipas njoftimit procesi i skriningut po zhvillohet sipas parashikimeve ndërsa reformat janë proces vijues.

“Kryetari Ahmeti foli për Frontin europian si nevojë imediate për tejkalimin e pengesave në rrugëtimin integrues dhe realizimin e ndryshimeve kushtetuese duke shtuar se partitë politike duhet të tejkalojnë interesat personale dhe në fokus të vendosin të ardhmen e vendit dhe jetën e qytetarëve”, citohet Ahmeti në komunikatë.

Komisionier Han mbështet pa rezervë përpjekjet për reforma dhe integrim europian të vendit tonë.

Bashkëbiseduesit diskutuan edhe rreth dialogut Kosovë dhe Serbi, duke apeluar që vendet t’i përmbahen marrëveshjes së arritur në Ohër deri në finalizimin e marrëveshjes së plotë me njohje të ndërsjellë.