Në Agjencinë e Kosovës për Forenzikë të Ministrisë së Punëve të Brendshme, u  mbajt ceremonia e pranim-dorëzimit të donacionit nga Komisioni Ndërkombëtar për Persona të Zhdukur (ICMP).

Me këtë rast, drejtori i Agjencisë së Kosovës për Forenzike, Blerim Olluri, falënderoi qeverinë Suedeze dhe Italiane për këtë donacion me pajisje specialistike për analiza të ADN-së dhe theksoi kjo do të ndihmojë shumë laboratorin e ADN-së, për avancim të mëtejme të të gjitha llojet e analizave të krimeve të ndryshme , sidomos do të ndihmojë në identifikimin e personave të zhdukur.

“Ky donacion përmban  pajisje të specializuara për analiza të ADN-së dhe është në vlerë rreth 15 mijë euro”, thuhet në komunikatë.

Në këtë ceremoni morën pjesë ambasadori i Suedisë në Kosovë, Jonas Westerlund, kryesuesi i Komisionit Qeveritar për Persona të Zhdukur, Andin Hoti, përfaqësues të ICMP-së, si dhe të ambasadës italiane në Kosovë.