Familjarë dhe qytetarë të shumtë ia kishin mësyrë sot fshatit Koshare për të nderuar 114 dëshmorët e kombit të rënë në Betejën e Koshares 25 vjet më parë. Qytetari, Hamit Gashi, tha se data 9 prill duhet të shënohet si festë kombëtare, pasi që sipas tij, në këtë Ditë është arritur qëllimi për lirinë e vendit.

Gashi shtoi se liria është arritur, por se problemi me Serbinë ende nuk ka përfunduar.

Ndërkaq, qytetari tjetër Albert Ahmetaj theksoi se Beteja e Koshares është beteja e parë në të cilën është larguar guri i kufirit të Kosovës me Shqipërinë.

Ahmetaj tha se duhet të përkrahen më shumë familjet e dëshmorëve.

Edhe, eprori ushtarak i Brigadës 138 “Agim Ramadani”, Abedin Rrustemaj tha se e ka dëshmorë në këtë vend djalin e dajës, dhe sipas tij sot si bashkëluftëtarë është ditë krenarie.

Beteja e Koshares zgjati nga 9 prilli deri më 10 qershor të vitit 1999. Në këtë betejë ushtria serbe e humbi kontrollin e kufirit Kosovë-Shqipëri. Kjo ngjarje shënon një betejë fituese të Ushtrisë Çlirimtare të Kosovës./A. Drenica

Lajmi i plotë në sistemin me parapagim...