Policia e Kosovës ka njoftuar një person është arrestuar në Mitrovicë të Veriut nën dyshimin për veprën penale “vjedhje”.

Sipas njoftimit, rasti ishte raportuar më 24 mars 2026 nga një qytetar, i cili kishte deklaruar se, derisa ndodhej në stacionin e autobusëve, një person i panjohur, nën presion, i kishte marrë 400 euro dhe 800 dinarë serbë, duke u larguar më pas në drejtim të panjohur.

Pas veprimeve intensive hetimore, zyrtarët policorë kanë arritur të identifikojnë dhe arrestojnë të dyshuarin me inicialet I.R. (1974). Arrestimi është kryer në sheshin “Car Lazar” në Mitrovicë të Veriut.

I dyshuari është shoqëruar në stacion policor, ku ka shfrytëzuar të drejtën për t’u mbrojtur në heshtje. Me urdhër të prokurorit të shtetit, ai është liruar në procedurë të rregullt, ndërsa hetimet për rastin e vjedhjes do të vazhdojnë.

Policia e Kosovës ka bërë të ditur se mbetet e përkushtuar në luftimin e kriminalitetit dhe ka inkurajuar qytetarët që të raportojnë rastet në numrin emergjent 192.

/Kosovapress/