Kanë filluar ndeshjet në kuadër të turneut “Rugby Europe Sevens Conference 2” që po zhvillohet, në stadiumin “Demush Mavraj” në Istog.

Ky event ndërkombëtar i ragbit, i cili po mbahet sot më 13 dhe nesër më 14 qershor 2026, ka mbledhur disa shtete që garojnë për ngritje në nivel më të lartë të garës.

Ndërkohë, ndeshjet e pjesës së parë të turneut “Rugby Europe Sevens Conference 2” në Istog, kanë përfunduar ku u regjistruan disa rezultate bindëse, Gjibraltari triumfoi ndaj San Marinos me rezultat 10-5, Mali i Zi fitoi ndaj Bosnja dhe Hercegovinës 21-5, ndërsa Estonia mposhti Greqinë 31-5, në përballjen tjetër Sllovakia dominoi Kosovën me rezultat 42-0.

Ndeshjet zhvillohen në formatin “7-a-sdie”, ku secila përballje zgjat vetëm 14 minuta dhe karakterizohet me ritëm të lartë dhe intensitet të madh në fushë. Ky turne është pjesë e garave të organizuara nga ‘Rugby Europe’, që përfshijnë disa divizione dhe shërbejnë si sistem promovimi për ekipet më të suksesshme.

Gjatë ditës do të zhvillohen ndeshjet e tjera të mbetura, ndërsa skuadrat synojnë rezultate pozitive për të siguruar avancimin në fazat e ardhshme.

KosovaPress