Sulmuesi brazilian Neymar ka reaguar ndaj kritikave për gjendjen e tij fizike, duke deklaruar se ka bërë maksimumin për t’u rikthyer në formën më të mirë dhe për të siguruar një vend në listën e trajnerit Carlo Ancelotti për Kupën e Botës.

Ylli i Santosit mungon me kombëtaren e Brazilit që nga viti 2023 për shkak të lëndimeve serioze dhe operacionit në gju, i cili e la jashtë fushës për rreth një vit. Pas humbjes 3:0 ndaj Coritiba Foot Ball Club, Neymar tha se rikthimi nuk ka qenë aspak i lehtë.

“Fizikisht ndihem shumë mirë. Jam përmirësuar me çdo ndeshje. Kam bërë më të mirën time dhe nuk ka qenë e lehtë. Kanë qenë vite pune të palodhur, por edhe shumë budallallëqe të thëna për gjendjen time”, deklaroi Neymar për gazetarët.

Ai shtoi se ka punuar në heshtje për t’u rikuperuar plotësisht dhe se tashmë ndihet i kënaqur me paraqitjet e tij. “Kam arritur aty ku doja të isha, i shëndoshë dhe i gatshëm. Çfarëdo që të ndodhë, Ancelotti do t’i zgjedhë 26 lojtarët më të mirë për këtë sfidë”, u shpreh braziliani.

34-vjeçari ishte gjithashtu protagonist i një momenti tensioni gjatë ndeshjes së fundit, pasi protestoi ashpër pas një zëvendësimi të gabuar. Ndërkohë, Ancelotti pritet të shpallë listën e Brazilit për Kupën e Botës gjatë ditës së hënë.

Brazili do të luajë në Grupin C të Kupës së Botës ndaj Morokut, dhe Scotlandës në turneun që zhvillohet nga 11 qershori deri më 19 korrik në Amerikën e Veriut.

KosovaPress