Janë mbyllur pjesët e para të dy ndeshjeve të rëndësishme të xhiros së 33-të në Superligën e Kosovës në futboll, ku rezultatet aktuale sjellin zhvillime interesante si në garën për titull ashtu edhe në luftën për mbijetesë.

Në Gjilan, kampioni kryesues Drita po udhëheq 1-0 ndaj Ballkanit në një derbi vendimtar për kreun e tabelës. Golin e epërsisë për vendasit e realizoi Besnik Krasniqi në minutën e 23-të, duke ndezur atmosferën në stadiumin me bari sintetik. Drita kërkon fitoren që do ta afronte ndjeshëm drejt titullit, ndërsa Ballkani është nën presion për të reaguar në pjesën e dytë.

Në ndeshjen tjetër të zhvilluar po ashtu në orën 16:00, Drenica po udhëheq 2-0 ndaj Gjilanit. Golin e avantazhit për Drenicën e shënoi Kreshnik Uka në minutën e 33-të, kurse të dytën e shënoi Kodra në minutën e 40’. Kjo përballje ka shumë peshë në garën për mbijetesë, ku vendasit kërkojnë me çdo kusht pikët maksimale, ndërsa Gjilani është në kërkim të rikthimit te fitorja pas një serie negative prej pesë ndeshjesh.

Pritet një pjesë e dytë e zjarrtë në të dy sfidat, në luftën për titull ashtu edhe në betejën për mbijetesë në elitën e futbollit kosovar.

KosovaPress