Sekretari i përgjithshëm i Komitetit Olimpik të Kosovës, Besim Aliti, ka pritur sot në takim sekretarin e ri të Ministrisë së Sportit dhe Rinisë, Lendrit Iljazi, me të cilin ka diskutuar për avancimin e bashkëpunimit ndërinstitucional në fushën e sportit.

Gjatë këtij takimi, palët kanë theksuar nevojën për thellimin dhe zgjerimin e bashkëpunimit, duke u fokusuar në realizimin e projekteve të përbashkëta dhe zhvillimin e mëtejshëm të sportit në vend.

Me këtë rast, Aliti i ka uruar suksese Iljazit në detyrën e re, duke shprehur gatishmërinë dhe përkushtimin e plotë të tij dhe të KOK-ut për të avancuar bashkëpunimin me Ministrinë, në funksion të zhvillimit të sportit dhe mbështetjes së sportistëve në Kosovë.