Bruno Fernandes barazoi rekordin e asistimeve të Kevin De Bruyne dhe Thierry Henry në Premier Ligë, në fitoren e Manchester United ndaj Nottingham Forest të dielën.

Roy Keane zbuloi problemin e tij kryesor me Fernandes, pasi ai besonte se kapiteni i United tha se po përpiqej të merrte asisite në vend që të shënonte.

“E gjithë biseda rreth asistimeve të tij dhe lojtarëve që flisnin për asistimet. Ai u intervistua pas ndeshjes, dhe unë po e shikoja, dhe të gjithë po flisnin për asistimet. Loja ishte për asistimet e tij. Pas ndeshjes ai u intervistua dhe tha në intervistën e tij, kapiteni i Man United, ‘Disa herë duhet të kisha gjuajtur, por i bëra ato pasime” – tha Keane.

Megjithatë, Fernandes në fakt kishte deklaruar për lojën e tij, fitoren dhe përfundimin në një nivel të lartë.

“Ndoshta kishte momente sot kur duhet të kisha pasuar në vend që të gjuaja. Jam shumë i lumtur për asistimin, por më shumë se kaq, jam i lumtur për fitoren dhe për ta përfunduar sezonin në njjë nivel të lartë” – tha Fernandes.

Pavarësisht se Gary Neville luftoi, Keane vazhdoi me zemërimin e tij shpërthyes, duke folur për ecurinë e ndeshjes.

“Prioriteti është skuadra. Prioriteti i Man United këtë fundjavë ishte që Bruno të merrte një asist. Jo të fitonte një ndeshje futbolli. Jo sulmuesit që shënonin gola, mbrojtësit, të ishin të mirë në goditje standarde, apo të mbanin portën e paprekur” – shtoi Keane.

Më vonë ai deklaroi brutalisht për Fernandes se ai nuk do të fitojë trofe, me mendësinë të skuadrës.

“Ai nuk do të fitojë trofe. Jo me atë mendësi të skuadrës dje, ku ata kanë pësuar dy gola dhe të gjithë po bëhen të gëzuar sepse ai ka barazuar një rekord për asistent. Është marramendëse. Është një shfaqje cirku” – përfundoi Keane.

Ndeshjen e ardhshme Man United e luan kundër Brightonit më 24 maj, nga ora 17:00.

KosovaPress