Erling Haaland udhëhoqi Norvegjinë në fazën eliminatore të Botërorit, duke shënuar dy gola në secilën prej dy ndeshjeve të para të Grupit I, kundër Irakut dhe Senegalit, ku Norvegjia ka siguruar kualifikimin në fazën eliminatore edhe para se të përballet me Francën, dy herë fituese e Kupës së Botës.

Pas fitores 3-2 të Norvegjisë kundër Senegalit, Haaland dha një përgjigje mjaft të prerë kur u pyet për sfidën e përballjes me Francën e Kylian Mbappe në ndeshjen e fundit të grupit.

Mes festimeve në kampin e Norvegjisë, Haaland bëri të ditur se nuk i intereson për përballjen me Francën. Ai theksoi gjithashtu se Franca ka të ngjarë t’i mposhtë ata dhe ndoshta fitojnë të gjithë Kupën e Botës.

“Sinqerisht, nuk më intereson shumë. Ne kemi kaluar, kemi arritur të kalojmë tutje, gjë që është e pabesueshme. Kështu që, nuk më intereson shumë ajo ndeshje tani. Ata ndoshta do të fitojnë kundër nesh, ndoshta do ta fitojnë të gjithë turneun. Nuk më intereson shumë. Ata ndoshta do të na mposhtin dhe do të fitojnë titullin”, tha Haaland.

Si Mbappe ashtu edhe Haaland kanë pasur një nisje të shkëlqyer në Kupën e Botës, duke shënuar nga katër gola secili deri më tani. Dyshja janë të dytët në listën e golashënuesve të turneut, një gol pas Lionel Messit të Argjentinës.

KosovaPress