Mbrojtësi i Barcelonës dhe i Spanjës, Pau Cubarsi, po vazhdon të shkëlqejë në Kupën e Botës, duke konfirmuar edhe një herë talentin e tij të jashtëzakonshëm, pavarësisht se është vetëm 19 vjeç.

Në tri ndeshjet e para të Kupës së Botës, Cubarsi ka tentuar 294 pasime, prej të cilave 289 kanë qenë të sakta, duke gabuar vetëm pesë herë.

Paraqitjet e tij kanë marrë vlerësime të mëdha, sidomos në ndeshjen e fundit, ku u dallua për menaxhimin e lojës, leximin e topave të gjatë, forcën në duele dhe qetësinë në fazën mbrojtëse. Ai fitoi shumicën e përballjeve direkte ndaj sulmuesit Darwin Nunez dhe mbrojtësit Ronald Araujo.

Ndërkohë, edhe pse sistemi mbrojtës me rrezik të lartë i trajnerit Hansi Flick te Barcelona e vë shpesh në situata të vështira, Cubarsi vazhdon të dëshmojë se është një mbrojtës me cilësi të jashtëzakonshme, duke treguar pjekuri, lidership dhe qetësi që tejkalojnë moshën e tij.

Cubarsi po luan për herë të parë në Kupën e Botës.

KosovaPress