Fazat e grupeve të Kupës së Botës 2026 janë afër përfundimit të tyre, pas ndeshjeve emocionuese të së premtes ku Franca mundi Norvegjinë për t’u bërë fituese e Grupit I, ndërsa Irani humbi mundësinë për të garantuar kualifikimin në fazën eliminatore pas një finaleje dramatike kundër Egjiptit.

Franca nuk vuajti nga mungesa e Didier Deschamps kundër Norvegjisë. Një tregolësh nga Ousmane Dembele dhe një gol nga Desire Doue bënë që francezët të shfaqnin edhe një herë efikasitet mbresëlënës, derisa Norvergjia krijoi më shumë në sulm, por gjithashtu humbi një penallti vendimtare në minutën e 50-të me anë të Jorgen Strand Larsen.

Norvegjezët kishin shënuar në pjesën e parë, por në përgjithësi, ata u mposhtën teknikisht dhe taktikisht nga kundërshtarët e tyre. Në fund, “Blutë” përfunduan të parët përpara Norvegjisë, Senegalit dhe Irakut.

Spanja arriti të shënonte, me Alex Baena që siguroi vendin e parë për ekipin e tij. Në ndeshjen tjetër, Kepi i Gjelbërt dhe Arabia Saudite u ndan pa gola, gjë që i mundësoi kombëtarës së Kepit të Gjelbërt të kualifikoheshin në vendin e dytë. Një arritje historike, veçanërisht pasi ata tani do të përballen me Argjentinën dhe Lionel Messin në raundin tjetër.

Ndërkohë, që në minutat e para, Irani mendoi se kishte siguruar një vend në raundin e 16-të në kohë shtesë. Por VAR e anuloi golin për pozicion jashtë loje. Në fund, Egjipti dhe Irani ndan pikët 1-1, gjë që i lejoi kombëtares së Egjiptit të përfundonin të dytët dhe të përgatiteshin për një përballje me Australinë në raundin tjetër.

Belgjika e mundi Zelandën e Re, djemtë e Rudi Garcias e bënë punën e tyre duke marrë fitoren e tyre të parë 5-1. Djajtë e Kuq tani duhet të presin për të mësuar kundërshtarin e tyre të radhës.

Ndeshjet e radhës që do zhvillohen sot janë Kroacia kundër Ghanës si dhe Panama kundër Anglisë, të dyja do të fillojnë nga ora 23:00.

KosovaPress