Trajneri portugez, José Mourinho, është shumë pranë rikthimit në stolin e Real Madrid, pasi Benfika ka konfirmuar se klubi madrilen do të paguajë 15 milionë euro për të liruar teknikun nga kontrata e tij. Sipas njoftimit të klubit portugez, marrëveshja është arritur pas interesimit të shprehur nga presidenti i Real Madridit, Florentino Pérez.

Mourinho pritet të nisë mandatin e tij të dytë në “Santiago Bernabéu”, 13 vjet pasi u largua nga gjiganti spanjoll. Gjatë periudhës së parë në Madrid, nga viti 2010 deri në vitin 2013, ai fitoi titullin e La Ligës, Kupën e Mbretit dhe Superkupën e Spanjës.

Benfica ka bërë të ditur se klauzola e lirimit të trajnerit arrin në 15 milionë euro, ndërsa mediat spanjolle raportojnë se Mourinho tashmë ka mbërritur në Madrid për të finalizuar detajet e rikthimit të tij. Real Madridi ende nuk ka bërë një njoftim zyrtar për emërimin e portugezit, por klubi portugez e ka konfirmuar largimin e tij dhe ka nisur procedurat për zëvendësimin me Marco Silva.

Rikthimi i Mourinhos vjen pas dy sezoneve pa trofe madhorë për Real Madridin, me drejtuesit e klubit që shpresojnë se “Special One” do ta rikthejë skuadrën në majat e futbollit spanjoll dhe evropian.

KosovaPress